Á þessari tilþrifamiklu mynd sjást dökkgáraðir sandskaflar, stundum sandöldur, skríða í gegnum Ganges Chasma. Gljúfurbotninn er þakinn hæðum og stöpum, hugsanlega leifum óreiðusvæðis sem varð til við skyndilegt hrun þegar vatn flæddi burt og myndaði útstreymisfarvegi.

Sandurinn sem skríður í gegn (venjulega frá austri til vesturs) víxlverkar við landslagið og myndar straumlínulöguð form. Á nærmynd í ýktum litum sést ein hæð með sandöldu að hlaðast upp til austurs.

Þýðing: Sævar Helgi Bragason