Kowdell strekys nowydh war Veurth yw tewlla ages an dor y’ga herghyn hag a syns lies karygi a-bervedh ynna. An kowdoll y’n imach ma a’n jeves oll an gnasow ma ha dell hevel y hwarva a-gynsow; byttegyns, ni re’n gwelas yn imajys mar goth avel hanterkans bledhen ha kanaseth Mariner 9.

HiRISE re gemeras skeusennow a’n kowdoll nebes presyow (an moyha a-dhiwedhes yn mis Genver 2022) rag checkya rag chanjys. Ni a wayt may tisliw an liw tewl dres termyn ha lies karrek bos beudhys gans tewes ha polter. Dhe dhyski an skavder may hwer an argerdh ma a wra agan gweres ow konvedhes chanjys war arenep Meurth y’n dydhyow ma. Byttegyns, bys y’n eur ma an kowdoll ma re beu nebes duryadow ha diskwedhes marnas chanj byghan erbynn agan kynsa skeusen yn 2007.

Translation: Steve Harris